بسم الله الرحمن الرحيم
اهلا بيكم متابعينا الاعزاء
++++++++++++++++++++++++
عودناكم اننا نتكلم عن الكمبيوتر واحدث الابتكارات فالمجال ده لكن النهارده هنتكلم عن تكنولوجيا مختلفه شويه
كتير سمعنا ان سامسونج نزلت موبايل جامد اوى (فشيخ) بس للاسف لسه منزلش عندنا مصر وهو
Galaxy S4
تعالو مع بعض نشوف
اهم مميزات و عيوب الموبايل ده و نقارنه باكتر موبايلين منافسين له
--==[[ الشكل - Design ]]==--
زى م واضح قدامنا فالصوره انه بيجمع بين الاس 3 و النوت 2 لكنه يفرق عنهم فان
- الشاشه 5 بوصه - وسط بين الاتنين الى فوق
- السمك 7.9مم- يحتل المركز التانى بعد ايفون 5 *7.6 مم
- الوزن 130 جم
--==[[Performance - الاداء ]]==--
الحقيقه يعتبر اسرع موبايل نزل الاسواق لحد دلوقتى و ده لانه الحقيقه نازل منه اصدارين S4.
: (i9505).
ده الاصدار الاول و يتميز بمعالج 1.9 رباعى النواه
: (i9500).
ده المفضل بالنسبالى الصراحه لانه تحفه بجد صاحب المعالج ال كورتكس 1.6 ثمانى النواه
وطبعا سواء ده او ده الاتنين منقدرش نختلف على انهم اسرع معاجات موجوده
--==[[ Memory Storage ]]==--
?بالنسبه للميمورى فهو متاح ب ثلاث اختيارات
اما 16 ا& 32 ا& 64 جيجا بالاضافه لامكانية وضع ميمورى متحرك لحد 64 جيجا + رام 2 جيجا
من ضمن الامكانيات اللى حطتها شركة سامسونج بعين الاعتبار هى خاصية الانفرارد اللى بتمكنا من التحكم فالراديو و التليفزيون وكل الاجهزه اللى بتستقبل اشارتها بالانفرارد
من المتوقع ان الموبايل يكون قادر على ان يتفاعل معك عند مشاهدة الفيديو بمعنى... لما تبعد نظرك عنه يتوقف عن عرض الفيديو و عند النظر للهاتف يستكمل الفيديو تلقائيا يعنى (لاسحر ولا شعوزه) اها والله
يعمل الاس 4 باحدث نظام اندرويد متاح و هو 4.2.2 وطبعا شركة سامسونج هتوفر التحديثات اللازمه للنظام بمجرد ان تطرحها جوجل
--==[[ الكاميــرا - Camera ]]==--
سمعنا كتير ان نوكيا عملت (808 بيور فيو) وقالت ان الكاميرا 42 ميجا
ههههههههههههه ولله نوكيا دى شركه مسخره
بس الحقيقه لو جينا نقارنها ب كاميرة الاس 3 (8 ميجا فقط) هنلاقى ان اس 3 احسن و اوضح
لكن الاس 4 تم ترقية الكاميرا الخاصه به الى 13 ميجابيكسل بدقه عالية الجوده يعنى بتدينا صوره نقيه جدا وده بيبان لما بنزوم الصوره
حين حافظت سامسونج على جودة كلا من الكاميرا الاماميه حيث ظلت 2 ميجا و الفيديو حيث ظل 1080 عالى الجوده
ملحوظه : من اكتر المميزات اللى عجبتنى شخصيا الجزئ المتعلق ب تطوير التفاعل الصوتي و الحركي و البصري يجعل الهاتف جزء من المستخدم و ليس فقط أداة :)
الموبايل
يعتبر لايحتوى على اى عيوب حتى الان و ان كانت بسيطه مثل الغطاء
البلاستيكى الذى لا يعطيه الاناقه و الفخامه المطلوبه مثل الاتش تي سي وان
الجديد المزود بغطاء مصنوع من الالمونيوم مما يضفيه عليه بعض الفخامه
--==[[مقارنه بسيطه ]]==--
من الجدير بالذكر ان سونى اكسبيريا زد له الاسبقيه من حيث الكاميرا حيث ان كاميرته 13.1 ميجا وتتبعه كاميرة الاس 4 صاحبة 13 ميجا اما ال (وان) له كاميرا 4 ميجابيكسل فقط. و لكن البيكسل فيها حجمه 300% أكبر من البيكسل العادي و بالتالي يدخل ضوء أكثر.
بالتالي كاميرا ال (وان) تتميز في التصوير الداخلي و الليلي
وبالنسبه للشكل فان ال (وان) يتصدر المركز الاول بجداره كما سبق ذكره نتيجه للغطاء الامونيومى الانيق
ما بالنسبه للاداء فلا احد يختلف ان السامسونج اس 4 يتصدر و بلا منازع من حيث الاداء يليه ثم ال(وان) ثم ال (الاكسبيريا) حيث ان الاكسبيريا يعتبر الاقل فى سعرعة المعالج
و بهذا يكون انتهى موضوع اليوم نتمنى ان نكون استطعنا ان نفيدكم ولو حتى بالقليل والا نكون قد اطلنا عليكم ولكم جزيل الشكر
+++++++++++++++
انتظر تفاعلكم مع الموضوع
♣♣Egy Spiders
